-සැළලිහිණියෝ-

ඉතින් තව උඹ කවුළුවෙන්

එබිකම් කරන්, මට කම් නැති
වරක් දෙවරක් නැතොත් සියවර

හඬින් තැලුවත් දොස් නැති
ඔය තුඩින් ඔහු වෙත යවන්නට

අදින් මතු පෙම් පත් නැති
සැලළිහිණියෝ තරහ නෑ මං

පමා වැඩි මම වෙන්නැති..

රිසින් ඉගිළී නීල අහසේ

කොහේ හෝ දුරක නැවතියන්
වැටෙන වැහි බිඳු බරයි කියමින්

මගේ කඳුළට රැවටියන්
කවුළු දොරකඩ බලා ඉමි මම

හිනාවක් මුව තදකරන්
සැළලිහිණියෝ තරහ නෑ මං

වෙන හිත් දෙකක් උඹ යා කරන්..